ਗ੍ਰਿਫ਼ਤਾਰ ਹੋ ਗਏ? ਆਪਣੀ ਰੱਖਿਆ ਲਈ ਸਭ ਤੋਂ ਵਧੀਆ ਸੁਝਾਅ

ਬ੍ਰਿਟਿਸ਼ ਕੋਲੰਬੀਆ ਵਿੱਚ ਪੁਲਿਸ ਤੁਹਾਡੇ ਉੱਤੇ ਕਿਸੇ ਅਪਰਾਧ ਦਾ ਦੋਸ਼ ਨਹੀਂ ਲਗਾ ਸਕਦੀ। ਕ੍ਰਾਊਨ (Crown – ਸਰਕਾਰ ਦੇ ਵਕੀਲ) ਨੂੰ ਪੁਲਿਸ ਵੱਲੋਂ ਉਨ੍ਹਾਂ ਨੂੰ ਭੇਜੀ ਗਈ ਰਿਪੋਰਟ (ਜਿਸਨੂੰ “report to Crown counsel” ਭਾਵ ਕ੍ਰਾਊਨ ਕਾਊਂਸਲ ਨੂੰ ਰਿਪੋਰਟ ਕਿਹਾ ਜਾਂਦਾ ਹੈ) ਦੀ ਸਮੀਖਿਆ ਕਰਨੀ ਪੈਂਦੀ ਹੈ ਅਤੇ ਇਹ ਫ਼ੈਸਲਾ ਕਰਨਾ ਪੈਂਦਾ ਹੈ ਕਿ ਅਪਰਾਧਿਕ ਦੋਸ਼ ਲਗਾਉਣੇ ਉਚਿਤ ਹਨ।

ਜਦੋਂ ਉਹ ਅਪਰਾਧਿਕ ਦੋਸ਼ ਲਗਾਉਣ ਦਾ ਫ਼ੈਸਲਾ ਕਰ ਲੈਂਦੇ ਹਨ, ਤਾਂ ਅੱਗੇ ਇਹ ਹੁੰਦਾ ਹੈ:
1. ਪਹਿਲੀ ਅਦਾਲਤੀ ਪੇਸ਼ੀ: ਤੁਹਾਨੂੰ ਅਦਾਲਤ ਵਿੱਚ ਪੇਸ਼ ਹੋਣਾ ਪਵੇਗਾ ਅਤੇ ਪੁਲਿਸ ਡਿਸਕਲੋਜ਼ਰ (ਖੁਲਾਸਾ ਦਸਤਾਵੇਜ਼) ਲੈਣਾ ਪਵੇਗਾ;
2. ਪੁਲਿਸ ਡਿਸਕਲੋਜ਼ਰ ਦੀ ਸਮੀਖਿਆ: ਤੁਹਾਨੂੰ ਪੁਲਿਸ ਡਿਸਕਲੋਜ਼ਰ ਦੀ ਸਮੀਖਿਆ ਕਰਕੇ ਇਹ ਫ਼ੈਸਲਾ ਕਰਨਾ ਪਵੇਗਾ ਕਿ ਅੱਗੇ ਕੀ ਕਰਨਾ ਹੈ।
3. ਫ਼ੈਸਲਾ ਕਰੋ: ਕ੍ਰਾਊਨ ਨਾਲ ਗੱਲਬਾਤ ਕਰੋ, ਤੈਅ ਕਰੋ ਕਿ ਮਾਮਲੇ ਦਾ ਮੁਕਾਬਲਾ ਕਰਨਾ ਹੈ, ਦੋਸ਼ ਕਬੂਲ (guilty plea) ਕਰਨਾ ਹੈ ਜਾਂ ਮਾਮਲਾ ਅਦਾਲਤ ਤੋਂ ਬਾਹਰ ਹੱਲ ਕਰਨਾ ਹੈ।
4. ਨਿਪਟਾਰਾ: ਮਾਮਲੇ ਦਾ ਹੱਲ ਜਾਂ ਤਾਂ ਮੁਕੱਦਮੇ (trial) ਰਾਹੀਂ ਜਾਂ ਕ੍ਰਾਊਨ ਨਾਲ ਸਮਝੌਤੇ ਰਾਹੀਂ ਕਰੋ।
ਬੀ.ਸੀ. ਵਿੱਚ ਪੁਲਿਸ ਨਾਲ ਕਿਵੇਂ ਪੇਸ਼ ਆਉਣਾ ਹੈ