ਵਿਦੇਸ਼ੀ ਗ੍ਰਾਂਟਾਂ ਦੀ ਮੁੜ-ਸੀਲਿੰਗ

ਜੇਕਰ ਕਿਸੇ ਹੋਰ ਅਧਿਕਾਰ-ਖੇਤਰ ਦੀ ਅਦਾਲਤ ਨੇ ਪਹਿਲਾਂ ਹੀ ਪ੍ਰੋਬੇਟ ਜਾਂ ਪ੍ਰਸ਼ਾਸਨ ਦੀ ਗ੍ਰਾਂਟ (grant of probate or administration) ਜਾਰੀ ਕਰ ਦਿੱਤੀ ਹੈ, ਤਾਂ ਨੁਮਾਇੰਦਾ ਨਵੇਂ ਸਿਰਿਓਂ ਅਰਜ਼ੀ ਸ਼ੁਰੂ ਕਰਨ ਦੀ ਬਜਾਏ, ਉਸ ਗ੍ਰਾਂਟ ਨੂੰ ਬ੍ਰਿਟਿਸ਼ ਕੋਲੰਬੀਆ ਵਿੱਚ ਮੁੜ-ਸੀਲ (re-seal) ਕਰਵਾਉਣ ਲਈ ਅਰਜ਼ੀ ਦੇ ਸਕਦਾ ਹੈ।

ਮੁੜ-ਸੀਲਿੰਗ, ਪ੍ਰੋਬੇਟ ਰਿਕਗਨੀਸ਼ਨ ਐਕਟ (Probate Recognition Act) ਅਧੀਨ ਇੱਕ ਸਰਲ ਕਾਨੂੰਨੀ ਪ੍ਰਕਿਰਿਆ ਹੈ, ਜਿਸ ਰਾਹੀਂ ਬੀ.ਸੀ. ਸੁਪਰੀਮ ਕੋਰਟ ਕਿਸੇ ਹੋਰ ਅਧਿਕਾਰ-ਖੇਤਰ ਵਿੱਚ ਜਾਰੀ ਕੀਤੀ ਗਈ ਪ੍ਰੋਬੇਟ ਜਾਂ ਪ੍ਰਸ਼ਾਸਨ ਦੀ ਗ੍ਰਾਂਟ ਨੂੰ ਰਸਮੀ ਤੌਰ ‘ਤੇ ਮਾਨਤਾ ਦਿੰਦੀ ਹੈ। ਇੱਕ ਵਾਰ ਮੁੜ-ਸੀਲ ਹੋ ਜਾਣ ਤੋਂ ਬਾਅਦ, ਵਿਦੇਸ਼ੀ ਗ੍ਰਾਂਟ ਦਾ ਬੀ.ਸੀ. ਵਿੱਚ ਉਹੀ ਕਾਨੂੰਨੀ ਪ੍ਰਭਾਵ ਹੁੰਦਾ ਹੈ ਜੋ ਸਥਾਨਕ ਪ੍ਰੋਬੇਟ ਜਾਂ ਪ੍ਰਸ਼ਾਸਨ ਦੀ ਗ੍ਰਾਂਟ ਦਾ ਹੁੰਦਾ ਹੈ।

ਬ੍ਰਿਟਿਸ਼ ਕੋਲੰਬੀਆ ਵਿੱਚ ਸਿਰਫ਼ ਕੁਝ ਖ਼ਾਸ ਅਧਿਕਾਰ-ਖੇਤਰਾਂ ਵੱਲੋਂ ਜਾਰੀ ਕੀਤੀਆਂ ਗ੍ਰਾਂਟਾਂ ਹੀ ਮੁੜ-ਸੀਲਿੰਗ ਲਈ ਯੋਗ ਹੁੰਦੀਆਂ ਹਨ। ਇਨ੍ਹਾਂ ਵਿੱਚ ਕੈਨੇਡਾ ਦੇ ਸਾਰੇ ਸੂਬੇ / ਪ੍ਰਦੇਸ਼ ਅਤੇ ਕੁਝ ਰਾਸ਼ਟਰਮੰਡਲ (Commonwealth) ਦੇਸ਼ ਸ਼ਾਮਲ ਹਨ।