BC ਮੈਂਟਲ ਹੈਲਥ ਐਕਟ (Mental Health Act) ਅਧੀਨ ਨਜ਼ਰਬੰਦੀਆਂ

ਤੁਹਾਡੇ ਲਈ ਕਾਨੂੰਨੀ ਵਿਕਲਪ ਉਪਲਬਧ ਹਨ।

BC ਵਿੱਚ ਹਰ ਸਾਲ ਲਗਭਗ 25,000 ਲੋਕਾਂ ਨੂੰ ਮੈਂਟਲ ਹੈਲਥ ਐਕਟ (Mental Health Act) ਅਧੀਨ ਨਜ਼ਰਬੰਦ ਕੀਤਾ ਜਾਂਦਾ ਹੈ। BC ਕੈਨੇਡਾ ਦਾ ਇੱਕੋ-ਇੱਕ ਸੂਬਾ ਹੈ ਜਿੱਥੇ “ਮੰਨੀ ਗਈ ਸਹਿਮਤੀ ਵਾਲੀ ਧਾਰਾ” (deemed consent provision) ਹੈ, ਜੋ ਤੁਹਾਨੂੰ ਜਾਂ ਤੁਹਾਡੇ ਭਰੋਸੇਯੋਗ ਪਰਿਵਾਰਕ ਮੈਂਬਰਾਂ ਅਤੇ ਦੋਸਤਾਂ ਨੂੰ ਤੁਹਾਡੀ ਮਨੋਰੋਗ ਇਲਾਜ ਯੋਜਨਾ ਬਾਰੇ ਫ਼ੈਸਲੇ ਲੈਣ ਤੋਂ ਰੋਕਦੀ ਹੈ।

ਜੇ ਤੁਹਾਨੂੰ ਮੈਂਟਲ ਹੈਲਥ ਐਕਟ ਅਧੀਨ ਸਰਟੀਫਾਈ (certified) ਕੀਤਾ ਗਿਆ ਹੈ, ਤੁਸੀਂ ਕਿਸੇ ਮਨੋਰੋਗ ਸੰਸਥਾ ਤੋਂ ਛੁੱਟੀ ਚਾਹੁੰਦੇ ਹੋ, ਤੁਸੀਂ ਆਪਣੇ ਮਨੋਰੋਗ ਇਲਾਜ ਉੱਤੇ ਕੰਟਰੋਲ ਅਤੇ ਸਹਿਮਤੀ ਦਾ ਹੱਕ ਚਾਹੁੰਦੇ ਹੋ, ਜਾਂ ਤੁਸੀਂ ਕਮਿਊਨਿਟੀ ਵਿੱਚ ਐਕਸਟੈਂਡਡ ਲੀਵ (extended leave) ਉੱਤੇ ਹੋ, ਤਾਂ ਤੁਸੀਂ ਮੈਂਟਲ ਹੈਲਥ ਰਿਵਿਊ ਬੋਰਡ (Mental Health Review Board) ਕੋਲ ਰਿਵਿਊ ਪੈਨਲ ਸੁਣਵਾਈ ਲਈ ਅਰਜ਼ੀ ਦੇ ਸਕਦੇ ਹੋ। ਤੁਹਾਨੂੰ ਆਪਣੀ ਸੁਣਵਾਈ ਵੇਲੇ ਵਕੀਲ ਰੱਖਣ ਦਾ ਹੱਕ ਹੈ।

ਰਿਵਿਊ ਪੈਨਲ ਸੁਣਵਾਈ ਲੈਣ ਲਈ, ਤੁਹਾਨੂੰ ਫਾਰਮ 7 (Form 7) ਭਰਨਾ ਪਵੇਗਾ। ਤੁਸੀਂ ਇਹ ਆਪ ਕਰ ਸਕਦੇ ਹੋ, ਜਾਂ ਕੋਈ ਵਕੀਲ ਤੁਹਾਡੀ ਮਦਦ ਕਰ ਸਕਦਾ ਹੈ। ਫਿਰ ਤੁਹਾਨੂੰ ਤੁਹਾਡੀ ਰਿਵਿਊ ਪੈਨਲ ਸੁਣਵਾਈ ਦੀ ਤਾਰੀਖ਼ ਬਾਰੇ ਸੂਚਿਤ ਕੀਤਾ ਜਾਵੇਗਾ। ਤੁਸੀਂ ਮੈਂਟਲ ਹੈਲਥ ਰਿਵਿਊ ਪੈਨਲ ਬੋਰਡ ਨੂੰ ਸਬੂਤ ਜਮ੍ਹਾਂ ਕਰਵਾ ਸਕਦੇ ਹੋ ਅਤੇ ਪ੍ਰਧਾਨ ਡਾਕਟਰ ਨੂੰ ਵੀ ਇੱਕ ਕੇਸ ਨੋਟ ਜਮ੍ਹਾਂ ਕਰਵਾਉਣਾ ਚਾਹੀਦਾ ਹੈ—ਇਹ ਦੋਵੇਂ ਰਿਵਿਊ ਪੈਨਲ ਸੁਣਵਾਈ ਦੀ ਤਾਰੀਖ਼ ਤੋਂ 24 ਘੰਟੇ ਪਹਿਲਾਂ।

ਰਿਵਿਊ ਪੈਨਲ ਕੋਲ ਇਹ ਫ਼ੈਸਲਾ ਕਰਨ ਦਾ ਅਧਿਕਾਰ ਹੈ ਕਿ ਤੁਹਾਨੂੰ ਸਰਟੀਫਾਈਡ ਰਹਿਣਾ ਚਾਹੀਦਾ ਹੈ ਜਾਂ ਨਹੀਂ। ਜੇ ਤੁਹਾਨੂੰ ਡੀਸਰਟੀਫਾਈ (decertified) ਕਰ ਦਿੱਤਾ ਜਾਂਦਾ ਹੈ, ਤਾਂ ਤੁਸੀਂ ਮਨੋਰੋਗ ਸੰਸਥਾ ਛੱਡ ਸਕਦੇ ਹੋ ਜਾਂ ਸਵੈ-ਇੱਛੁਕ ਮਰੀਜ਼ ਵਜੋਂ ਉੱਥੇ ਰਹਿ ਸਕਦੇ ਹੋ।

ਤੁਹਾਡੇ ਡਾਕਟਰ ਅਤੇ ਵਕੀਲ ਤੋਂ ਇਲਾਵਾ, ਰਿਵਿਊ ਪੈਨਲ ਵਿੱਚ ਤਿੰਨ ਵਿਅਕਤੀ ਸ਼ਾਮਲ ਹੋਣਗੇ, ਯਾਨੀ ਕਾਨੂੰਨੀ ਪਿਛੋਕੜ ਵਾਲਾ ਇੱਕ ਚੇਅਰਪਰਸਨ, ਇੱਕ ਡਾਕਟਰ ਜਿਸ ਨੇ ਤੁਹਾਡਾ ਇਲਾਜ ਨਹੀਂ ਕੀਤਾ, ਅਤੇ ਇੱਕ ਕਮਿਊਨਿਟੀ ਮੈਂਬਰ।

ਰਿਵਿਊ ਪੈਨਲ ਅਨੁਸਾਰ ਸਰਟੀਫਿਕੇਸ਼ਨ ਜਾਰੀ ਰੱਖਣ ਲਈ ਕਾਨੂੰਨੀ ਕਸੌਟੀ ਮੈਂਟਲ ਹੈਲਥ ਐਕਟ ਮੁਤਾਬਕ ਹੈ। ਸਰਟੀਫਿਕੇਸ਼ਨ ਜਾਰੀ ਰੱਖਣ ਲਈ ਰਿਵਿਊ ਪੈਨਲ ਨੂੰ ਇਹ ਸਥਾਪਤ ਕਰਨਾ ਪਵੇਗਾ ਕਿ ਵਿਅਕਤੀ ਹੇਠ ਲਿਖੇ ਚਾਰ ਮਾਪਦੰਡ ਪੂਰੇ ਕਰਦਾ ਹੈ:

1-ਮਨ ਦੇ ਕਿਸੇ ਐਸੇ ਵਿਗਾੜ ਤੋਂ ਪੀੜਤ ਹੈ ਜੋ ਵਿਅਕਤੀ ਦੀ ਆਪਣੇ ਮਾਹੌਲ ਪ੍ਰਤੀ ਢੁੱਕਵਾਂ ਪ੍ਰਤੀਕਰਮ ਕਰਨ ਜਾਂ ਦੂਜਿਆਂ ਨਾਲ ਮੇਲ-ਜੋਲ ਰੱਖਣ ਦੀ ਸਮਰੱਥਾ ਨੂੰ ਗੰਭੀਰ ਰੂਪ ਵਿੱਚ ਕਮਜ਼ੋਰ ਕਰਦਾ ਹੈ;
2-ਕਿਸੇ ਨਿਰਧਾਰਤ ਸੁਵਿਧਾ (designated facility) ਵਿੱਚ ਜਾਂ ਉਸ ਰਾਹੀਂ ਮਨੋਰੋਗ ਇਲਾਜ ਦੀ ਲੋੜ ਹੈ;
3-ਵਿਅਕਤੀ ਦੀ ਮਾਨਸਿਕ ਜਾਂ ਸਰੀਰਕ ਹਾਲਤ ਦੇ ਕਾਫ਼ੀ ਵਿਗੜਨ ਤੋਂ ਰੋਕਣ ਲਈ ਜਾਂ ਵਿਅਕਤੀ ਦੀ ਸੁਰੱਖਿਆ ਜਾਂ ਦੂਜਿਆਂ ਦੀ ਸੁਰੱਖਿਆ ਲਈ ਕਿਸੇ ਨਿਰਧਾਰਤ ਸੁਵਿਧਾ ਵਿੱਚ ਜਾਂ ਉਸ ਰਾਹੀਂ ਦੇਖਭਾਲ, ਨਿਗਰਾਨੀ ਅਤੇ ਕੰਟਰੋਲ ਦੀ ਲੋੜ ਹੈ; ਅਤੇ
4-ਸਵੈ-ਇੱਛੁਕ ਮਰੀਜ਼ ਬਣਨ ਲਈ ਅਣਉਚਿਤ ਹੈ।
ਸੁਣਵਾਈ ਵੇਲੇ, ਤੁਹਾਨੂੰ ਅਤੇ/ਜਾਂ ਤੁਹਾਡੇ ਵਕੀਲ ਨੂੰ ਆਪਣਾ ਪੱਖ ਪੇਸ਼ ਕਰਨ ਦਾ ਮੌਕਾ ਮਿਲੇਗਾ। ਰਿਵਿਊ ਪੈਨਲ ਇਹ ਜਾਣਨ ਵਿੱਚ ਦਿਲਚਸਪੀ ਰੱਖਦਾ ਹੈ ਕਿ ਛੁੱਟੀ ਤੋਂ ਬਾਅਦ ਤੁਹਾਡੀਆਂ ਯੋਜਨਾਵਾਂ ਕੀ ਹਨ। ਤੁਸੀਂ ਪਰਿਵਾਰ ਜਾਂ ਦੋਸਤਾਂ ਨੂੰ ਗਵਾਹਾਂ ਵਜੋਂ ਲਿਆ ਸਕਦੇ ਹੋ, ਵਿਅਕਤੀਗਤ ਤੌਰ ‘ਤੇ ਜਾਂ ਫ਼ੋਨ ਰਾਹੀਂ। ਉਹ ਤੁਹਾਡੇ ਸਮਰਥਨ ਵਿੱਚ ਚਿੱਠੀਆਂ ਵੀ ਲਿਖ ਸਕਦੇ ਹਨ। ਤੁਹਾਡਾ ਕੇਸ ਸਫਲ ਹੋਣ ਦੀ ਸੰਭਾਵਨਾ ਜ਼ਿਆਦਾ ਹੁੰਦੀ ਹੈ ਜੇ ਤੁਸੀਂ ਇਹ ਦਿਖਾ ਸਕੋ ਕਿ ਤੁਸੀਂ ਸੁਵਿਧਾ ਵੱਲੋਂ ਪ੍ਰਸਤਾਵਿਤ ਯੋਜਨਾ ਦੀ ਥਾਂ ਕਿਸੇ ਵਾਜਬ ਵਿਕਲਪਕ ਇਲਾਜ ਯੋਜਨਾ ਲਈ ਵਚਨਬੱਧ ਹੋ।

ਫਿਰ ਰਿਵਿਊ ਪੈਨਲ ਜ਼ੁਬਾਨੀ ਫ਼ੈਸਲਾ ਦੇਵੇਗਾ ਅਤੇ ਬਾਅਦ ਵਿੱਚ ਤੁਹਾਨੂੰ ਵਿਸਤ੍ਰਿਤ ਲਿਖਤੀ ਫ਼ੈਸਲਾ ਡਾਕ ਰਾਹੀਂ ਭੇਜੇਗਾ। ਜੇ ਤੁਹਾਡਾ ਕੇਸ ਸਫਲ ਨਹੀਂ ਹੁੰਦਾ, ਤਾਂ ਤੁਸੀਂ ਇੱਕ ਹੋਰ ਰਿਵਿਊ ਪੈਨਲ ਸੁਣਵਾਈ ਲਈ ਦੁਬਾਰਾ ਅਰਜ਼ੀ ਦੇ ਸਕਦੇ ਹੋ।

ਜੇ ਤੁਸੀਂ ਮੈਂਟਲ ਹੈਲਥ ਐਕਟ ਅਤੇ ਰਿਵਿਊ ਪੈਨਲ ਸੁਣਵਾਈ ਬਾਰੇ ਕਿਸੇ ਵਕੀਲ ਨਾਲ ਗੱਲ ਕਰਨਾ ਚਾਹੁੰਦੇ ਹੋ, ਤਾਂ ਅੱਜ ਹੀ ਫ਼ੋਨ ਕਰੋ!